Vetchina va qo’ziqorinlar bilan tayyorlaniladigan, juda tezpishar va mazali pastadan tayyorlab ko’rishni tavsiya qilamiz. Tayyorlangan taomdagi masalliqlar bir-biri bilan kirishib, hushbo'y va ajoyib ta'mni sizga taqdim etadi. Har qanday dasturxondan o'zining yorqin o'rnini egallovchi ushbu taomni albatta tayyorlang!
Kerakli masalliqlar:
250 gramm spagetti
400 gramm mol go'shtidan vetchina yoki dudlangan go'sht
250 gramm shampinyon
1/3 choy qoshiq quritilgan rayhon
200 ml qaymoq
150 gramm parmezan pishlog'i
ta'bga qarab tuz va murch
qovurish uchun zaytun yog'i
Tayyorlash usuli:
1. Pastani qadog'ida ko'rsatlgandek vaqtda qaynatib, pishiring. To'rli suzgichdan o'tkazing. Pastani qaynatgan suvdan bir stakanini olib qo'ying.
⠀
2. Vetchinani kattaroq to'rtburchak shaklda to'rg'ang. Shampinyonlarni esa yuvib, parrak-parrak qilib to'rg'ang.
⠀
3. Tovaga zaytun yog'ini solib, qizdiring va vetchinani solib, qizarguncha taxminan 5 daqiqa qovuring. Qovurilgan vetchinani boshqa idishga olib qo'ying.
⠀
4. Shu tovaga yana ozroq yog' solib, qo'ziqorinlarni qovurib oling. Ular to'qroq rangga kirgandan so'ng, tuz, murch va quritilgan rayhonni seping.
⠀
5. Vetchinani qo'ziqorinlar ustidan solib, yana ikki daqiqa davomida qovuring. Qaymoqni quyib, past olovda, qaymoq quyuqlashgunga qadar pishiring.
⠀
6. Qaynatilgan pastani qaylaga soling va aralashtiring. Agar taom juda quyuq bo'lib chiqsa, unda olib qo'ygan suvdan kerakli miqdorda quying.
⠀
7. Pastani issiqligida ustidan qirg'ichdan chiqarilgan pishloq sepib, dasturxonga torting.
⠀
Yoqimli ishtaha!