Shokoladli xamir va mayin tvorogli krem uyg’unligidan tashkil topgan mana bunday mazali pirogdan siz ham tayyorlab ko’ring. Aytgancha, tvorogning o’rniga qaymoqli pishloqdan solib, bu pirogni chizkeykka ham aylantirish mumkin. Ishoning ushbu pirog dasturxon davrasida barchani lol qoldirishi aniq.
Kerakli masalliqlar:
Xamir uchun:
100 gramm margarin yoki sariyog'
120 gramm shakar
2 ta tuxum
160 gramm un
2 osh qoshiq kakao kukuni
1 choy qoshiq qabartma
1 choy qoshiq vanilin shakari
bir chimdim tuz
Asosiga:
600 gramm 9 va undan ko'proq % li tvorog
150 gramm shakar
2 osh qoshiq makkajo'xori kraxmali
2 ta tuxum
1 choy qoshiq vanilin shakari
bir chimdim tuz⠀
Tayyorlash usuli:
1. Birinchi navbatda xamirli asosini tayyorlab oling. Xona haroratida yumshagan sariyog'ni ustidan shakar, vanil shakari va tuz bilan birga ko'pirtiring.
⠀
2. Bittadan tuxumni solib, yaxshilab ko'pirtirishda davom eting.
⠀
3. Un, kakao va qabartmani elab soling va aralashtiring. Natijada quyuqroq xamir qoriladi.
⠀
4. Hajmi 25x25 sm kattalikdagi to'rtburchak qolipdan ham, aylanasi 24-26 sm li aylana qolipdan ham foydalanish mumkin. Qolipga sariyog' surtib, pergament qog'ozi yozing. Xamirni yarim qismini solib, ustini tekislang.
⠀
5. Tvorogli asosini tayyorlang. Asos uchun kerakli barcha masalliqlarni solib, silliq, bir xil konsistensiya hosil bo'lguncha blendr yordamida aralashtiring.
⠀
6. Xamir ustidan tvorogli aralashmani soling.
⠀
7. Kichkina qoshiq yordamida qolgan xamirni bitta-bitta olib soling.Yog'och tayoqcha yordamida ustiga har xil naqsh kiritish mumkin.
⠀
8. Pirogni 170 C darajada qizigan pechda, 45 daqiqa davomida pishiring.
Yoqimli ishtaha!