Mo'jizaviy gazak! Baqlajon sabzavotidan tayyorlangan gazak o'zining ta'mi bilan dasturxon davrasida barchaga lazzatlanish baxtini ulashadi. Tayyorlanishi juda ham oddiy. Ushbu retseptni albatta tayyorlang!
Kerakli masalliqlar:
2 kg baqlajon
500-800 gramm piyoz
2-3 bosh sarimsoq0,5 l o'simlik yog'i
Qora qalampir
Marinad uchun:
70-100 gramm sirka
2 stakan suv
2 osh qoshiqdan shakar va tuz
2 dona lavr bargi
Tayyorlash usuli:
1. Suvga shakar va tuz solib, qaynating. Sirka va lavr bargini soling, olovdan oling. Sovuting.
2. Baqlajonni 1,5-2 sm qalinlikda kesing. Tuz solingan sovuq suvda, 30 daqiqaga uyuting.
3. Tovada qizdirilgan yog'da, baqlajonlarni har tomonlama, tilla tusga kirgunga qadar qovuring.
4. Qovurilgan baqlajonlarni oshxona sochig'iga oling, ortiqcha yog'i ajralishi uchun.
5. Piyozni yarim halqa, sarimsoqni mayda shaklda to'rg'ang.
6. Chuqur idishga birinchi qatorga baqlajon, ustiga piyoz va sarimsoqdan soling. Shu holni qolgan masalliqlar tugaguncha takrorlang. Marinadni quying va hajmi kichikroq idish bilan yoping va hajmi og'iq narsa bilan bostiring.
7. Baqlajonlarni 6 soatga xona haroratida qoldiring. So'ng, dasturxonga torting. Qolgan marinadlangan baqlajonlarni muzlatgichda saqlang.
Yoqimli ishtaxa!