Forshmak so'zi nemischadan olingan bo'lib, gazak degan ma'noni anglatadi. Bu juda ham mazali! Tayyorlanishi oddiy, natijasi dasturxon davrasida barchani lol qoldiradi. Taomnoma uchun yangilik. Ushbu retseptni albatta tayyorlang!
Kerakli masalliqlar:
250 gramm qovurilgan yoki pishirilgan mol go'shti
1/2 seld balig'i (tuzlangan)
2 osh qoshiq un
2-3 dona pishirilgan kartoshka
2-3 osh qoshiq smetana
2-3 dona tuxum
1 osh qoshiq qirg'ichdan chiqarilgan pishloq
1 osh qoshiq yumshatilgan saryog'
Tuz va murch, o'simlik yog'i
1 osh qoshiq saryog' va 1 dona piyoz
Tayyorlash usuli:
1. Pishirilgan kartoshkadan pyure tayyorlang. Saryog'da qovurilgan piyozni qo'shing va aralashtiring.
2. Pishirilgan go'sht va tozalangan seld balig'ini go'sht maydalagich yoki blenderdan chiqaring.
3. Kartoshka pyuresiga seld-go'shtli massa, un, saryog', smetanani birlashtiring va blenderda aralashtiring.
4. Tayyorlangan massaga tuxum sarig'i, tuz va murchni soling. Tuxum oqini ko'pirtiring va massaga solib, extiyotkorlik bilan aralashtiring.
5. Pishirish qolipiga yog' surting va tayyorlangan massani soling, tekislang.
6. Qirg'ichdan chiqarilgan pishloqni seping va yog' seping. 180 darajada qizdirilgan gaz pechida 30-40 daqiqa davomida pishiring.
7. Forshmak pishirish qolipi devorlaridan ajralishni boshlashi bilan tayyorligini bilish mumkin. Belgilangan vaqt o'tib, nozik va mazali gazakni kesib, smetana-tomatli sous bilan dasturxonga torting.
Yoqimli ishtaxa!