Go'zal va juda ham ajoyib gazak! Bayram dasturxonidan yorqin o'rnini egallaydi. Tayyorlanishi oddiy, natijasi dasturxon davrasida barchani lol qoldirishi turgan gap. Taomnoma uchun chinakam yangilik. Ushbu retseptni albatta tayyorlang!
Kerakli masalliqlar:
10 dona tuxum idishi
2 stakan go'sht bulyoni
20 gramm jelatin
1 dona bulg'or qalampiri
1 kichik banka makkajo'xori
300 gramm kolbasa
Ko'kat
Qo'shimcha sifatida tovuq go'shti, baliq, go'shtdan foydalanish mumkin
Tayyorlash usuli:
1. Birinchi navbatda tuxum idishlarini tayyorlang. Tuxumlarni yuving va bir boshidan teshik qilib, ichki qismini ajratib oling. Ichki qismini yaxshilab yuving. Quriting.
2. Jelatinni 10 daqiqa davomida uyuting. So'ng, isiting va bulyon bilan aralashtiring. Bulg'or qalampiri, kolbasani mayda shaklda to'rg'ang. Makkajo'xorini sharbatidan ajrating.
3. Tayyorlangan masalliqlarni navbatma-navbat tuxum idishiga soling. Bulyondan quying. So'ng, 1 soatga muzlatgichga qo'ying.
4. Belgilangan vaqt o'tib, tuxumlarni extiyotkorlik bilan tozalang. Ko'kat bilan bezating va dasturxonga torting.
Yoqimli ishtaxa!
