Ajoyib gazak! Tayyorlanishi oddiy, natijasi butun bir lazzatlanish baxtini taqdim etadi. Taomnomadan o'z o'rnini egallashi turgan gap. Yaqinlaringizga lazzatlanishni ulashing. Ushbu retseptni albatta tayyorlang!
Kerakli masalliqlar:
3 dona baqlajon
6-8 osh qoshiq o'simlik yog'i
2-3 dona sarimsoq donachasi
1 osh qoshiq zanjabil (imbir)
1 dona qalampir chili
1 dona ko'k piyoz shoxchasi
1 osh qoshiq soya sousi
1 osh qoshiq sirka
0.5 choy qoshiq shakar
Tayyorlash usuli:
1. Barcha masalliqlarni gaz yoniga jamlang. Baqlajonni tozalang, ikki qismga bo'ling. Yana 3-4 qismga bo'ling.
2. Chili qalampiri, sarimsoq va ko'k piyozni mayda shaklda to'rg'ang. Zanjabilni qirg'ichning kichik tomonidan chiqaring.
3. Chuqur tovada o'simlik yog'ini qizdiring. Har bir baqlajon bo'lagini 2-3 daqiqa mobaynida, har tomonlama qizartirib qovurib oling.
4. Tayyor baqlajonlarni chetga oling. 1 osh qoshiq qizdirilgan yog'ga sarimsoq, zanjabil, ko'k piyoz, chili qalampirini solib, hushbo'y hid taralguncha qovuring. So'ng, baqlajonlarni solib, 1 daqiqa davomida qovuring, soya sousi, sirka, shakarni solib aralashtiirng. Olovni o'chiring.
5. Hohishingizga ko'ra gazakni issiq yoki sovuq holda dasturxonga torting.
Yoqimli ishtaxa!
