Mo'jizaviy ta'mga ega gazak! Nozik tovuq, vitaminlarga boy sabzavotlar bu chinakam lazzatlanish baxtini taqdim etadi. Tayyorlanishi oddiy, natijasi dasturxon davrasida barchani lol qoldirishi turgan gap. Taomnoma uchun yangilik. Ushbu retseptni albatta tayyorlang!
Kerakli masalliqlar:
1 dona tovuq go'shti (filesi)
4 dona 30x30 lavash noni
2 dona pomidor
1 bog' salat bargi
1/2 dona limon
Ta'bga ko'ra ukrop va ko'k piyoz
Tuz va murch
4 osh qoshiq tartar sousi
Tayyorlash usuli:
1. Tovuq go'shti filesini uzunligi bo'ylab 4 qismga bo'ling. Oziq - ovqat plonkasiga o'rang va oshxona bolg'asi bilan go'sht qismlarini urib chiqing.
2. Go'shtlarga limon sharbati va tuz, murch sepib, marinadlang. Qizdirib, yog' surtilgan gril tovasida go'sh bo'laklarini har tomonlama, qizartirib pishiring.
3. Lavash noni ustiga salat bargi, go'sht bo'lagi, kesilgan pomidor, mayda to'rg'algan ko'kat va ta'bga ko'ra tuz seping. Rulet qilib o'rang.
4. Tayyor, mazali gazakni tartar sousi bilan dasturxonga torting.
Yoqimli ishtaxa!