Bu juda ham mazali va foydali. Vitaminlarga boy. Quyuq taomlar uchun ajoyib qo'shimcha. Tayyorlanishi oddiy, natijasi sizni lol qoldirishi turgan gap. Ushbu retseptni albatta tayyorlang!
Kerakli masalliqlar:
3 kg karam
1-2 dona lavlagi
1-2 dona sarimsoq boshi
Achchiq qalampir
Ukrop yoki selserey
3 osh qoshiq tuz
1 osh qoshiq shakar
2-3 dona lavr bargi
Tayyorlash usuli:
1. Karamni ikki qismga bo'ling, so'ng, har bir karam qismini 4 qismga bo'ling. Karamni shunday kesingki, kesilgan karam qismlari sochilib ketmasing.
2. Lavlagini tozalang va o'rtacha qalinlikda, yumaloq shaklda kesing.
3. Karam tuzlanadigan idishga lavlagi va karamni qator ketma-ketlikda soling.
4. Sarimsoq donachasi, ko'kat va qalampirdan soling.
5. Lavr bargi va tuz seping. Kastryulkaga 2 litr suv quying. Tuz, shakar va lavr bargi soling. Olovga qo'ying va qaynating. Issiq marinadni karam va lavlagi ustidan quying.
6. Karam ustini lagancha bilan bostirib yoping. Ustiga og'ir vaznda narsa qo'ying. 5-7 kun xona haroratida saqlang. Belgilangan vaqt o'tib, karamni olib muzlatgichga qo'ying.
7. Karamni dasturxonga tortishdan avval o'simlik yog'i bilan seping. Dasturxonga torting.
Yoqimli ishtaxa!
