Mo'jizaviy gazak! Taomnoma uchun chinakam yangilik! Tayyorlanishi oddiy, natijasi esa dasturxon davrasida barchani lol qoldiradi. Ushbu retseptni albatta tayyorlang!
Kerakli masalliqlar:
180 gramm saryog'
1 dona seld balig'i
1 dona pishirilgan tuxum
1 choy qoshiq xantal (gorchitsa)
30 gramm ukrop
Tayyorlash usuli:
1. Saryog'ni xona haroratida yumshating.
2. Seld balig'i terisi va ichki qismlarini tozalang. Muzdak oqar suvda yuving va oshxona sochig'ida quriting. Mayda shaklda to'rg'ang.
3. Pishirilgan tuxumni qirg'ichning kichik tomonidan chiqaring.
4. Yumshatilgan saryog', seld balig'i, tuxum, xantalni bir idishda birlashtiring. Aralashtiring.
5. Folga qog'ozini tekis joyga yoying. Mayda to'rg'algan ko'katni yupqa qatorda seping. Ko'kat ustidan seld-saryog'li massani kolbasa shaklida soling.
6. Folga qog'ozini oz-oz qismda ko'taring. Huddi seldli massaga ko'kat sepgandek.
7. Barcha tomoni ko'kat bilan o'ralgan seldli kolbasani folga qog'oziga o'rang va 1 soatga muzlatgichga qo'ying.
8. Belgilangan vaqt o'tib, nozik gazakni non bo'laklariga surting yoki kesib qo'ying. Nozik va mazali gazakni dasturxon davrasiga taqdim eting.
Yoqimli ishtaxa!
