Italya oshxonasining mashhur gazaklaridan biri. Juda ham nozik va mazali. Tayyorlanishi oddiy, natijasi dasturxon davrasida barchani lol qoldirishi turgan gap. Taomnoma uchun yangilik. Ushbu retseptni albatta tayyorlang!
Kerakli masalliqlar:
4 bo'lak oq non
400 gramm pomidor cherri
20 kapersi
30 gramm zaytun donachasi (danaksiz, yashil va qora)
Tuz, murch, oregano
Zaytun yog'i
Rayhon ko'kati
20 gramm pesto sousi
Quritilgan pomidor donachalari
Tayyorlash usuli:
1. Cherri pomidorini 2 yoki 4 qismga bo'ling.
2. Zaytun donachalari va kapersini mayda bo'laklarga bo'ling.
3. Kesilgan masalliqlarni bir idishga jamlang. Quritilgan pomidorlarni soling.
4. Quritilgan ko'katlar jamlanmasidan soling. Tuz seping.
5. Zaytun yog'idan quying va aralashtiring.
6. Non bo'laklarini tostr yordamida quriting. Qizdirilgan tova yoki gaz pechida tayyorlash ham mumkin. Non bo'laklarini sarimsoq donachasi bilan surting.
7. Non bo'laklariga tayyorlangan aralashmadan soling.
8. Rayhon shoxchasi bilan bezating. Pesto sousidan seping.
9. Italyan oshxonasining mazali gazaki tayyor ! Dasturxonga torting va yaqinlaringizni lol qoldiring.
Yoqimli ishtaxa!