Lol qoldiruvchi desert! Mo'jizaviy lazzatbaxsh va juda ham nozik. bayram dasturxoni uchun ajoyib tanlov. Tayyorlanishi juda ham oddiy, natijasi dasturxon davrasida barcha uchun manzur bo'ladi. Taomnoma uchun yangilik. Ushbu retseptni albatta tayyorlang!
Kerakli masalliqlar:
6 dona tuxum oqi
6 dona tuxum sarig'i
200 ml sut
60 gramm saryog'
225 gramm tvorogli pishloq (almette, filadelfiya)
140 gramm shakar kukuni
70 gramm un
20 gramm kraxmal
6 gramm vanilin shakari
Bir chimdim tuz
Shakar kukuni, yalpiz bargi, o'rmon mevalari (bezash uchun)
Tayyorlash usuli:
1. Tvorogli pishloq, sut va saryog'ni birlashtiring. Suv xammomida bir xil massa hosil bo'lguncha aralashtiring.
2. Tuxum sarig'i, vanilin, 1/3 shakar kukunini birlashtiring va ko'pirtiring. Sut-pishloqli massani birlashtiring. Un va kraxmalni solib, aralashtiring. Tayyor aralashmani 2 marotaba sitodan o'tkazing.
3. Tuxum oqini bir chimdim tuz bilan yengil massagacha ko'pirtiring. Limon sharbati va qolgan shakar kukuni qismini oz-ozdan soling. Hajmini ushlab tura oladigan massa holigacha ko'pirtiring va pishloqli massaga qo'shib, aralashtiring.
4. Pergament qog'ozi yozilgan pishirish qolipiga tayyor xamirni soling. Xamir solingan pishirish qolipini kattaroq pishirish qolipi ustiga qo'ying va issiq suv quying.
5. 150 darajada qizdirilgan gaz pechida 50 daqiqa davomida pishiring. Bu vaqt o'tib, chizkeyk solingan qolip ustini pergament qog'ozi bilan yoping. Yana 30 daqiqa davomida pishiring.
6. Belgilangan vaqt o'tib, gaz pechini o'chiring va 20 daqiqa gaz pechi ichida qoldiring. So'ng, gaz pechi eshigini oching va butunlay sovuting.
7. Chizkeykni sovugandan so'ng, shakar kukuni, yalpiz va mevalar bilan bezating. Nozik va mazali desertni dasturxonga tortiq qiling.
Yoqimli ishtaxa!
