Huddi orzudagidek desert tayyor bo'ladi. Bayram dasturxoni uchun ajoyib tanlov. Tayyorlanishi oddiy, natijasi dasturxon davrasida barchani lol qoldiradi. Taomnoma uchun yangilik. Ushbu retseptni albatta tayyorlang!
Kerakli masalliqlar:
4dona tuxum
100 gramm jigarrang shakar
2 osh qoshiq shakar
75 gramm un
25 gramm kakao kukuni
75 ml apelsin sharbati
400 gramm malini mevasi
5 osh qoshiq malinali jele
250 ml qizil uzum sharbati
1 qizil jele tort uchun
Ta'bga ko'ra tuz
Tayyorlash usuli:
1. Tuxum oqdan sariqlarini ajrating. Tuxum oqlarini bir chimdim tuz bilan hajmini ushlab tura oluvchi massa shaklida ko'pirtiring.
2. Tuxum sariqlarini 100 gramm jigarrang shakar va 2 osh qoshiq issiq suv bilan bir xil massa hosil bo'lguncha ko'pirtiring.
3. Un va kakao kukunini birlashtiring. Navbat bilan tuxum sarig'i massasiga unli aralashma va tuxum oqini qo'shib, aralashtiring.
4. 30x40 sm hajmdagi pishirish qolipiga pergament qog'ozi yozing. Xamirni soling va tekislang. 200 darajada qizdirilgan gaz pechida 12 daqiqa davomida pishiring. So'ng, sovuting.
5. Biskvit korjini pergament qog'ozidan ajrating. Apelsin sharbati bilan shimdiring. Biskvit korjini 3 qismga bo'ling. Malina mevasini tozalang, yuving va suvi ajralishi uchun sitoga qo'ying.
6. Tayyor jeleni isiting va biskvitni jele bilan surtib chiqing.
7. Biskvitlarni bir-birini ustiga tering. Eng ustki qismiga malina mevasini tering. Uzum sharbati, shakar va tort uchun jeleni birlashtiring. jele qog'ozida ko'rsatilgan usul bo'yicha tayyorlang. Tayyor jeleni malina ustidan quying. Tortni 2 soatga muzlatgichga qo'ying.
8. Belgilangan vaqt o'tib, mazali va nozik desertni yaqinlaringizga taqdim eting.
Yoqimli ishtaxa!