E'tiboringizga yarim oy pirogi yoki yopiq pitsa retseptini taqdim etamiz. Taomnoma uchun chinakam yangilik. Tayyorlanishi oddiy, natijasi esa dasturxon davrasida barcha uchun lazzatlanish baxtini taqdim etishi turgan gap. Ushbu retseptni albatta tayyorlang !
Kerakli masalliqlar :
Xamir uchun :
200 ml sut
2 choy qoshiq xamirturush
1 choy qoshiq shakar
1 choy qoshiq tuz
3 osh qoshiq o'simlik yog'i
250 gramm un
Asosiga :
300 gramm tovuq go'shti filesi
300 gramm shampinon
250 gramm mosarella pishlog'i
250 gramm pomidor
2-3 osh qoshiq ketchup
Rayhon
O'simlik yog'i, tuz va murch
Shuningdek :
Tuxum sarig'i
Tayyorlash usullari :
1. Sutni isiting.
2. Xamirturush va shakarni solib, aralashtiring.
3. Xamirturushli aralashma ko'tarilishi uchun ustini sochiq bilan yoping va issiq joyga 15 daqiqaga olib qo'ying.
4. Ko'tarilgan xamirturushli massaga o'simlik yog'i va tuz soling.
5. Unni soling va xamir qoring.
6. Xamir ustini sochiq bilan yoping va issiq joyga olib qo'ying.
7. 45 daqiqa davomida xamir hajmi ikki martaga ko'tarilishi lozim.
8. Bu vaqt mobaynida pirog asosini tayyorlang. tovuq go'shti filesini mayda shaklda kesing.
9. Shampinonni to'rtburchak shaklda to'rg'ang.
10. Pomidorni mayda shaklda to'rg'ang.
11. Mosarella pishlog'ini yumaloq shaklda kesing.
12. Rayhonni mayda to'rg'ang.
13. Tovada qizdirilgan yog'da avval tovuq go'shtini qovuring.
14. Shampinonni soling, ta'bga ko'ra tuz va murch solib, 15-20 daqiqa davomida qovuring. Olovdan oling.
15. Xamirni 2-3 qismga bo'ling va yumaloq shaklda yoying.
16. Xamirning yarim qismiga ketchup surting.
17. Tayyorlangan asosni soling.
18. Pomidor va rayhon ko'katini soling.
19. Masarella pishlog'ini tering.
20. Xamirning ikkinchi qismini yoping, chetlarini yopishtiring.
21. Pishirish qolipiga pergament qog'ozi yozing. Tayyorlangan pirogni joylang.
22. Pirog ustiga tuxum sarig'i surting. 180 darajada qizdirilgan gaz pechida 30-35 daqiqa davomida pishiring.
23. Hushbo'y isi butun xonadoningizga tarqalgan mazali pirogni yaqinlaringiz e'tiboriga taqdim eting.
Yoqimli ishtaxa !