Juda ham mazali pirog ! Tayyorlanishi oddiy, natijasi esa dasturxon davrasida barchaga manzur bo'lib, lazzatlanishni taqdim etadi. Taomnoma uchun chinakam yangilik. Ushbu retseptni albatta tayyorlang !
Kerakli masalliqlar :
Xamir uchun :
200 ml sut
7 gramm xamirturush
100 gramm saryog'
2 dona tuxum
500-550 gramm un
Tuz
Asosiga :
1 kg karam
150 gramm piyoz
2 dona tuxum
Tuz, murch va o'simlik yog'i
Tayyorlash usullari :
1. Birinchi navbatda xamirni tayyorlang. Isitilgan sutga xamirturushni soling.
2. 100 gramm un soling. Aralashtiring. Ustini yoping va issiq joyga 15-20 daqiqaga olib qo'ying.
3. Hajmi ko'tarilgan xamirturushli massaga saryog'ni soling, aralashtiring.
4. Tuxum, tuz soling va aralashtiring.
5. Un soling va yopishqoq, yumshoq xamir qoring.
6. Xamir ustini yoping va 30 daqiqaga issiq joyga qo'ying. Xamir hajmi ko'paygandan so'ng, bir marta mushlab yana issiq joyga qo'ying.
7. Bu vaqt mobaynida asosni tayyorlang. Piyozni tozalang va mayda qilib to'rg'ang.
8. Karamni somoncha shaklda to'rg'ang.
9. Qizdirilgan yog'da avval piyozni qovuring.
10. Karamni soling va 20-30 daqiqa davomida dimlang.
11. Tuxumni soling, tuz, murch soling. 5 daqiqa davomida dimlang.
12. Tayyor xamirni 2 qismga bo'ling. Pishirish qolipini yog' bilan surting. Xamirni bir qismini pishirish qolipiga yoying.
13. Tayyorlangan asosni soling.
14. Xamirning ikkinchi qismini yoying va asos ustidan soling va chetlarini yopishtiring.
15. Pirog o'rtasiga kesiq qiling. 180 darajada qizdirilgan gaz pechida 30-35 daqiqa davomida pishiring.
16. Mazali pirogni yaqinlaringizga taqdim eting.
Yoqimli ishtaxa !