Usti qarsildoq, ichi yumshoq mazali baget. Pishirish davomida hushbo'y isi butun xonadoningizga tarqalib, barchaga ishtaxa bag'ishlaydi. Tayyorlanishi oddiy, natijasi esa sizni lol qoldiradi. Ushbu retsept bo'yicha albatta tayyorlang !
Kerakli masalliqlar :
500 ml suv
1/2 choy qoshiq shakar
10 gramm xamirturush
750-800 gramm un
1 choy qoshiq tuz
1 osh qoshiq o'simlik yog'i
Tayyorlash usullari :
1. 250 ml suvni isiting biroq, qaynatib yubormang. Shakar soling.
2. Xamirturushni soling.
3. 250 gramm unni qo'shing, ustini yopib, issiq joyga olib qo'ying.
4. Tayyorlangan massa ko'tarilishi lozim.
5. Tuz va o'simlik yog'ini soling.
6. Xona haroratidagi 250 ml suvni quying. Aralashtiring.
7. 550-600 gramm unni solib xamir qoring. Xamir hajmi ko'tarilgunga qadar issiq joyga qo'ying.
8. Tayyor xamirni 3 qismga bo'ling. Har bir xamir qismidan bagetni yoying.
9. Yoyilgan xamirning bir chetini o'rtaga yopishtiring.
10. Ikkinchi chetini ham o'rtaga birlashtiring.
11. Ardaring va ozgina hajmga yoying.
12. Pishirish qolipiga pergament qog'ozi yozing va bagetlarni qo'ying. Ustini yoping va 15 daqiqaga chetga oling.
13. Belgilangan vaqt o'tib o'tkir pichoq bilan baget ustlariga kesiq qiling. 180 darajada qizdirilgan gaz pechida 20-25 daqiqa davomida pishiring.
14. Tayyor, mazali bagetni yaqinlaringizga ulashing.
Yoqimli ishtaxa !