Juda ham mazali blinchik ! Ertalabki nonushta uchun ajoyib tanlov. Tayyorlanishi oddiy, natijasi esa ertalabki nonushta dasturxonida barchaga lazzatlanish bag'ishlashi turgan gap. Ushbu retsept bo'yicha albatta tayyorlang!
Kerakli masalliqlar :
750 ml sut
3 choy qoshiq xamirturush
1 osh qoshiq shakar
350-400 gramm un
3 dona tuxum
100 gramm saryog'
Tuz
Tayyorlash usullari :
1. Sutni isiting. Qaynatib yubormang.
2. Sutga xamirturush va shakarni soling.
3. 200 gramm unni soling. Aralashtiring.
4. Tayyorlangan massani issiq joyga qo'ying.
5. Tayyorlangan massa hajmi ko'payishi lozim.
6. Tuxum oqlardan sariqlarini ajrating. Tuxum oqlarini muzlatgichga qo'ying. Tuxum sariqlarini shakar bilan aralashtiring.
7. Tuxum sariqlarini xamirturushli massaga qo'shing va aralashtiring.
8. Bir chimdim tuz soling. Qolgan un qismini qo'shing va quyuq bo'lmagan xamir qoring.
9. Tayyorlangan xamirni 1 soatga issiq joyga qo'ying. Xamir hajmi ko'tarilganda aralashtiring va yana bir bor ko'tarilishini kuting.
10. Tuxum oqlarini ko'pirtiring.
11. Tuxum oqini xamir bilan birlashtiring. Xamir quyuq bo'lsa isitilgan sutdan bir qism qo'shing.
12. Tovani qizdiring. Yog' surting. Xamirdan soling va tovani aylantiring. Xamir bir xilda yoyilishi uchun.
13. Blinchikning pastki qismi qizargandan so'ng, aylantiring ikkinchi qismini pishiring.
14. Pishirilgan tayyor blinchiklarni murabbo bilan birga yaqinlaringiz e'tiboriga taqdim eting.
Yoqimli ishtaxa !