Ajoyib desert ! Ismi jismiga munosib, mazasi esa barchani lol qoldiruvchi desert. Tayyorlanishi oddiy, natijasi esa mo'jizaviy lazzatlanishni taqdim etadi. Taomnoma uchun chinakam yangilik. Buni albatta tayyorlang !
Kerakli masalliqlar :
4 dona tuxum
150 gramm shakar
100 gramm un
100 gramm kraxmal
2 choy qoshiq qabartma
Asosiga :
300 gramm yejevika o'rmon mevasi
15 gramm jelatin
500 gramm smetana
100 gramm shakar
Tayyorlash usullari :
1. Birinchi navbatda tuxum oqdan sariqlarini ajrating. Tuxum sariqlarini shakar bilan ko'pirtiring.
2. Tuxum sariqlariga 5 osh qoshiq issiq suv quying va ko'pirtiring.
3. Tuxum sarig'i massasiga kraxmalni soling.
4. Un va qabartmani solib, aralashtiring.
5. Tuxum oqini yengil ko'pik holigacha ko'pirtiring va xamir bilan birlashtiring.
6. Extiyotkorlik bilan aralashtiring.
7. Xamirni yog' surtilgan pishirish qolipiga quying. 180 darajada qizdirilgan gaz pechida 20-25 daqiqa davomida pishiring.
8. Jelatinni 150 ml qaynatib, sovutilgan suvda, qog'ozida ko'rsatilgan vaqt bo'yicha uyuting.
9. Yejevika mevasini blender yordamida maydalang.
10. Smetanani shakar bilan aralashtiring.
11. Yejevika pyuresi va smetanali massani birlashtiring.
12. Tayyorlangan massani sitodan o'tkazing.
13. Jelatinni qaynash darajasiga olib boring. Biroq qaynatib yubormang.
14. Jelatinni smetanali kremga qo'shing va aralashtiring. 5-10 daqiqa muzlatgichga qo'ying.
15. Tayyorlangan biskvit korjini ikki qismga bo'ling. Korjning bir qismini pishirish qolipi ichida qoldiring.
16. Korj ustidan kremning2/3 qismini soling.
17. Ikkinchi korjni yoping.
18. Qolgan krem qismini korj ustiga quying, tekislang. Desertni 6-8 soatga muzlatgichga qo'ying.
19. Belgilangan vaqt o'tib desertni hohishingizga ko'ra bezating. Nozik va mazali desertni yaqinlaringizga taqdim eting.
Yoqimli ishtaxa !