Mo'jizaviy tort ! Nozik va mazali tort. Bolajonlarning tug'ilgan kuni uchun ajoyib tanlov. Tayyorlanishi oddiy, natijasi esa dsturxon davrasida barchani lol qoldirishi turgan gap. Buni albatta sinab ko'ring !
Kerakli masalliqlar :
6 dona tuxum
250 gramm shakar
350-400 gramm un
Krem uchun :
500 gramm smetana
150 gramm shakar
150 gramm qora olxo'ri (quritilgan)
150 gramm yong'oq
Tayyorlash usullari :
1. Birinchi navbatda biskvitni tayyorlang. Tuxum va shakarni birlashtirib, ko'pirtiring.
2. Unni soling va extiyotkorlik bilan aralashtiring.
3. Xamirning teng yarmini yog' surtilgan pishirish qolipiga soling. 180 darajada qizdirilgan gaz pechida 20-25 daqiqa davomida pishiring. Qolgan xamir qismi bilan ham shu holni takrorlang. Pishirilgan har bir biskvitni ikki qismga bo'ling.
4. Kremni tayyorlang. Smetana va shakarni birlashtiring, aralashtiring.
5. Quritilgan qora olxo'ri mevasini mayda shaklda to'rg'ang.
6. Yong'oqni blender yordamida maydalang.
7. Tort yig'iladigan idishga korjning birinchisini qo'ying va krem surting.
8. Olxo'ri mevasidan soling.
9. Ikkinchi korjni yoping.
10. Krem surting va maydalangan yong'oqdan seping.
11. Qolgan masalliqlarni ham shu ketma-ketlikda yig'ing.
12. Qolgan krem qismi bilan tort usti va devorlarini surting. Tort ustini hohishingizga ko'ra bezating.
13. Ushbu retseptda tort ustini bezatish uchun mastikadan foydalanilgan.
14. Tayyor va mazali tortni yaqinlaringiz e'tiboriga taqdim eting.
Yoqimli ishtaxa !