Go'zal ko'rinish va ajoyib ta'mga ega bo'lgan tort. Tayyorlanishi hech qanday qiyinchilik tug'dirmaydi. Natijasi esa dasturxon davrasida barchani lol qoldirishi turgan gap. Taomnoma uchun chinakam yangilik. Buni albatta tayyorlang !
Kerakli masalliqlar :
Xamir uchun :
200 gramm saryog'
150 gramm shakar
1 choy qoshiq vanilin shakari
3 dona tuxum
10 gramm qabartma
450-500 gramm un
Krem uchun :
200 gramm shakar
2 osh qoshiq un
3 dona tuxum
200 gramm saryog'
Shuningdek :
2-3 dona limon
Tayyorlash usullari :
1. Limon mevasi po'stini ajrating va qirg'ichdan chiqaring.
2. Saryog'ni shakar va vanilin shakari bilan aralashtiring.
3. Tuxumni soling va aralashtiring.
4. Limon po'stini birlashtiring.
5. 100 ml sovuq suv qo'shing.
6. Un va qabartmani soling va xamir qoring.
7. Tayyorlangan xamirni 4-5 qismga bo'ling. Xamirning bir qismini yog' surtilgan pishirish qolipiga soling va yoyib chiqing.
8. Sanchqi yordamida xamirda teshikchalar qoldiring. 180 darajada qizdirilgan gaz pechida 15-20 daqiqa davomida pishiring. Qolgan xamir qismlari bilan ham shu usulni takrorlang.
9. Bu vaqt mobaynida kremni tayyorlang. Limon mevasidan 100 ml sharbat chiqaring.
10.Tuxumni chuqur kastryulkaga soling.
11. Shakarni soling.
12. Limon sharbatini quying.
13. 50 ml suv quying.
14. Unni soling va aralashtiring.
15. Tayyorlangan massani qaynash darajasiga olib boring.
16. Olovdan oling va saryog'ni soling.
17. Aralashtiring va sovuting.
18. Tort yig'iladigan idishga korjning birini qo'ying, krem surting.
19. Ikkinchi korjni yoping, krem surting. Qolgan masalliqlar bilan ham shu usulni takrorlang. Yig'ilgan tortni 8-10 soatga muzlatgichga qo'ying.
20. Belgilangan vaqt o'tib tort ustini hohishingizga ko'ra bezating. Ushbu retseptda mastika yordamida bezatilgan. Mazali tortni yaqinlaringiz e'tiboriga taqdim eting.
Yoqimli ishtaxa !