Fransuzlarning sevimli nonushtasi. Fransuz oshxonasining mashhur retseptlaridan biri. O'zgacha ta'mga ega. Ertalabki nonushtada barchaga hushkayfiyat va lazzatlanish baxtini taqdim etadi. Buni albatta sinab ko'ring !
Kerakli masalliqlar :
700 ml qaymoq
3 dona tuxum
3 osh qoshiq shakar
3 osh qoshiq o'simlik yog'i
1/4 choy qoshiq tuz
150-170 gramm un
Sous uchun :
3 dona apelsin
70 gramm shakar
100 gramm saryog'
Tayyorlash usullari :
1. Birinchi navbatda blinchiklarni tayyorlang. Tuxumni tuz bilan ko'pirtiring.
2. Shakarni soling. Ko'pirtiring.
3. 350 ml qaymoqni quying va aralashtiring.
4. Unni soling va extiyotkorlik bilan aralashtiring.
5. Qolgan qaymoq qismini qo'shing va aralashtiring.
6. O'simlik yog'ini quying va aralashtiring.
7. Tovani qizdiring, yog' surting. Xamirdan soling va tovani aylantiring. Xamir tova bo'ylab yoyilishi uchun.
8. Blinchikning pastki qismi qizarishi bilan aylantiring. Qolgan xamir qismi bilan ham shu usulni takrorlang.
9. Sousni tayyorlang. Apelsin po'stini ajrating va qirg'ichdan chiqaring.
10. Apelsinlardan 150 ml sharbat chiqaring.
11. Tovaga shakarni soling va eriting.
12. Saryog'ni soling va 1-2 daqiqa qaynating.
13. Apelsin po'stini soling va 1-2 daqiqa qaynating.
14. Apelsin sharbatini quying va quyuqlashgunga qadar qaynating. Taxminan 3-5 daqiqa.
15. Tayyor sousga 4 ga buklangan blinchiklarni soling.
16. Aylantirib, ikkinchi tomonini sousga shimdiring.
17. Tayyor va mazali blinchiklarni yaqinlaringizga taqdim eting.
Yoqimli ishtaxa !