Juda ham mazali desert ! Nomiga munosib. Hushbo'y shokoladli biskvit, nozik krem va ajoyib gilos mevalari bir-biri bilan birlashib, chinakam lazzatlanish baxtini taqdim etadi. Tayyorlanishi oddiy, natijasi esa dasturxon davrasida barchani lol qoldirishi turgan gap. Buni albatta tayyorlang !
Kerakli masalliqlar :
180 gramm saryog'
100 gramm shakar
2 dona tuxum
200 gramm shokolad
2 choy qoshiq qabartma
300-350 gramm un
Krem uchun :
10 gramm jelatin
400 gramm tvorog
300 gramm gilos danaksiz
200 gramm yogurt
50 gramm shakar
2 choy qoshiq vanilin shakari
Tayyorlash usullari :
1. Shokoladni suv xammomida eriting.
2. Xamirni tayyorlang. Saryog'ni shakar bilan aralashtiring.
3. Tuxumni soling va aralashtiring.
4. Eritilgan shokoladni birlashtiring.
5. Un va qabartmani soling va quyuq xamir qoring.
6. Pishirish qolipiga yog' surting yoki pergament qog'ozi yozing. Xamirni soling, tekislang. 180 darajada qizdirilgan gaz pechida 20-25 daqiqa davomida pishiring.
7. Kremni tayyorlang. Jelatinni 150 ml qaynatib, sovutilgan suvda, qog'ozida ko'rsatilgan vaqt bo'yicha uyuting.
8. Tvorogni sitodan o'tkazing.
9. Shakar va vanilin shakarini soling.
10. Yogurtni soling va aralashtiring.
11. Gilos mevasini birlashtiring, aralashtiring.
12. Jelatinni qaynash darajasiga olib boring. Biroq, qaynatib yubormang. Xona haroratida sovuting.
13. Tvorogli massaga jelatinni soling va aralashtiring.
14. Pishirilgan biskvitni ikki qismga bo'ling.
15. Ikki qismga bo'lingan korjlarni yana ikki qismga bo'lib chiqing.
16. Korjlarning pastki qismiga kremni surting.
17. Korjning ustki qismini yoping va 3-4 soatga muzlatgichga qo'ying.
18. Belgilangan vaqt o'tib tayyor desertni to'tburchak shaklda kesing va shakar kukuni bilan bezating. Nozik va mazali desertni yaqinlaringiz e'tiboriga taqdim eting.
Yoqimli ishtaxa !