Nozik va asalning hushbo'y ifori bilan to'yingan tort. Taomnoma uchun chinakam yangilik. Tayyorlanishi oddiy, natijasi esa dasturxon davrasida barchani lol qoldirib, lazzatlanish baxtini ulashishi aniq. Buni albatta sinab ko'ring !
Kerakli masalliqlar :
200 gramm asal
5 dona tuxum
100 gramm shakar
1 choy qoshiq qabartma yoki ichimlik sodasi
500-550 gramm un
Krem uchun :
500 gramm smetana
100-150 gramm shakar
Tayyorlash usullari :
1. Asalni doim aralashtirgan holda jigarrang tusga kirgunga qadar eriting.
2. Tuxum oqdan sariqlarini ajrating. Tuxum sarig'i va shakarni birlashtiring.
3. Asalni sovuting va tuxum sariqlari bilan aralashtiring.
4. Un va qabartmani soling va quyuq xamir qoring.
5. Tuxum oqlarini yengil ko'pik holigacha ko'pirtiring.
6. Tayyorlangan quyuq xamir va ko'pirtirilgan tuxum oqlarini birlashtiring.
7. Diameti 26 sm bo'lgan pishirish qolipiga yog' surting. Xamirni 0.5-1 sm qalinlikda soling. 180 darajada qizdirilgan gaz pechida 8-10 daqiqa davomida pishiring. Shu tariqa 3-4 dona korj pishiring.
8. Kremni tayyorlang. Smetana va shakar birlashtiring, aralashtiring.
9. Tort yig'iladigan idishga korjning birinchisini qo'ying va krem surting.
10. Ikkinchi korjni qo'ying va krem surting. Shu hol bilan tortni yig'ing.
11. Tayyor tort ustini hohishingizga ko'ra bezaring. Ushbu retseptda qolgan krem qismiga oziq-ovqat rangi qo'shib, mak bilan chiziqlar chizib bezatilgan. Tayyor tortni 6-7 soatga muzlatgichga qo'ying.
12. Belgilangan vaqt o'tib, tayyor, mazali va nozik desertni yaqinlaringiz e'tiboriga taqdim eting.
Yoqimli ishtaxa !