Nomiga munosib, mazali va pardek nozik bo'lgan desert. Tayyorlanishi oddiy, natijasi esa dasturxon davrasida barcha uchun manzur bo'lishi turgan gap. Kundalik taomnoma uchun ajoyib yangilik. Buni albatta sinab ko'ring.
Kerakli masalliqlar :
180 gramm saryog'
150 gramm shakar
500 gramm smetana
300-400 gramm un
2 choy qoshiq qabartma
Krem uchun :
500 ml smetana
150 gramm shakar
50 gramm mak
Tayyorlash usullari :
1. Saryog'ni shakar bilan aralashtiring.
2. Smetanani soling va aralashtiring.
3. Un va qabartmani soling va quyuq xamir qoring.
4. Xamirni 4-5 qismga bo'ling. Har bir xamir qismini yog' surtilgan pishirish qolipida 180 darajada qizdirilgan gaz pechida 20-25 daqiqa davomida pishiring.
5. Kremni tayyorlang. Smetana va shakarni birlashtiring.
6. Makni soling va aralashtiring.
7. Desert yig'iladigan idishga korjning birini qo'ying, krem surting.
8. Ikkinchi korjni yoping.
9. Krem surting. Shu usulda desertni yig'ing. So'ng, 6-7 soatga muzlatgichga qo'ying.
10. Belgilangan vaqt o'tib, desert ustini hohishingizga ko'ra maydalangan yong'oq bilan bezating. Nozik va mazali desertni yaqinlaringiz e'tiboriga taqdim eting.
Yoqimli ishtaxa !