Mo'jizaviy desert ! Nomiga munosib juda ham nozik. Tayyorlanishi oddiy, mazasi esa sizni lol qoldirishi turgan gap. Taomnomaga o'zgartirish kiritishning vaqti keldi. Dasturxon davrasida barchaga ma'qul bo'ladi. Buni albatta tayyorlang !
Kerakli masalliqlar :
300 gramm oson ushoqlanadigan pechenya
4 dona tuxum
250 ml sut
100 gramm saryog'
150 gramm shakar
1 choyb qoshiq vanilin shakari
Tayyorlash usullari :
1. Pechenyani blender yoki go'sht maydalagich yordamida maydalang.
2. Tuxumni ko'pirtiring.
3. Sutni qo'shing va aralashtiring.
4. Tayyorlangan massani suv xammomiga qo'ying. Quyuqlashgunga qadar, taxminan 15 daqiqa davomida suv xammomida ushlab turing. So'ng, sovuting.
5. Saryog'ni shakar va vanilin shakari bilan aralashtiring.
6. Tayyorlangan sutli va saryog'li massani birlashtiring.
7. Tayyorlangan massaga maydalangan pechenyani soling.
8. Bir xil massa hosil bo'lgunga qadar aralashtiring.
9. Tayyorlangan massani pishirish qolipiga tekislab soling. Hohishingizga ko'ra har xil shakldagi qolipchalarga solish ham mumkin. Desertni 5-6 soatga muzlatgich muzxonasiga qo'ying.
10. Desertni dasturxonga tortishdan avval bir oz eriting. Desertni hohishingizga ko'ra bezating. Yaqinlaringiz e'tiboriga nozik va mazali desertni taqdim eting.
Yoqimli ishtaxa !