Mo'jizaviy desert ! Qarsildoq korj, nozik krem va hushbo'y mevalar bir-biri bilan kirishib, dasturxon davrasida barchani lol qoldiradigan darajada lazzatlanish bag'ishlaydi. Tayyorlanishi oddiy. Buni albatta tayyorlang !
Kerakli masalliqlar :
250-300 gramm qavatli tayyor xamir
Krem uchun :
200 gramm maskarpone (yoki almette, filadelfiya)
1 dona mango mevasi
250 ml qaymoq
100-150 gramm shakar
Shuningdek :
Hohishingizga ko'ra mevalar
Tayyorlash usullari :
1. Xamirni yoying va katta bo'lmagan shaklda to'rtburchak shakllar kesib chiqing. Maxsus pishirish qolipiga xamir bo'laklarini soling. Sanchqi yordamida xamirga teshiklar qiling. 180 darajada qizdirilgan gaz pechida 15-20 daqiqa davomida pishiring. Tayyor savatchalarni sovuting.
2. Kremni tayyorlang. Mango mevasini tozalang va bo'laklarga bo'ling. Blender yordamida maydalang.
3. Qaymoq va shakarni qaymoq quyuqlashishni boshlagunga qadar ko'pirtiring.
4. Maskarponeni qo'shing va extiyotkorlik bilan aralashtiring.
5. Mango pyuresini qo'shing va aralashtiring.
6. Sovutilgan savatchalarni krem bilan to'ldiring.
7. Tanlangan mevalar va yalpiz bargi bilan bezating. Mazali desertni yaqinlaringiz e'tiboriga taqdim eting.
Yoqimli ishtaxa !