Nozik deser ! Tez va oddiy tayyorlanadi. Kundalik taomnomangiz uchun yangilik. Dasturxon davrasida barcha uchun ma'qul bo'lib, barchani lol qoldirishi turgan gap. Yaqinlaringizga lazzat ulashish vaqti keldi ! Buni albatta tayyorlang !
Kerakli masalliqlar :
300 gramm oson ushoqlanadigan pechenya
100-150 gramm saryog'
Asosiga :
500 gramm maskarpone
200 ml qaymoq
150 gramm shakar
20 gramm jelatin
Tayyorlash usullari :
1. Pechenyani blender yoki go'sht qiymalagich yordamida maydalang.
2. Saryog'ni eriting.
3. Maydalangan pechenya va saryog'ni birlashtiring.
4. Aralashtiring. Natijada qumlanuvchi massa hosil bo'ladi.
5. Diametri 24-26 sm bo'lgan qolipga pechenyali massani soling va zich holda yoying. Asos tayyorlangunga qadar pishirish qolipini muzlatgichga qo'ying.
6. Jelatinni 100 ml qaynatib, sovutilgan suvda, qog'ozida belgilangan vaqt bo'yicha uyuting.
7. Jelatinni qaynash darajasiga olib boring. Biroq qaynatib yubormang. So'ng, sovuting.
8. Qaymoqni shakar bilan ko'pirtiring.
9. Maskarponeni qo'shing va aralashtiring.
10. Jelatinni qo'shing va aralashtiring.
11. Tayyor massani pishirish qolipidagi korj ustiga quying va tekislang. 3-4 soatga muzlatgichga qo'ying.
12. Belgilangan vaqt o'tib, tayyor desert ustini hohishingizga ko'ra bezating. Nozik va mazali desertni yaqinlaringiz e'tiboriga taqdim eting.
Yoqimli ishtaxa !