Milk-strawberry inglizchada sutli-qulupnoyli degan ma'noni bildiradi. Ya'ni desert nomiga munosib, nozik va hushbo'y qulupnoy ifori bilan to'yingan. Tayyorlanishi oddiy, natijasi esa dasturxon davrasida barcha uchun manzur bo'lishi turgan gap. Buni albatta tayyorlang !
Kerakli masalliqlar :
Biskvit uchun :
3 dona tuxum
150 gramm shakar
3 osh qoshiq kakao kukuni
100 gramm un
2 choy qoshiq qabartma
Jele uchun :
400 ml qulupnoy siropi (kompot yoki sharbat)
400 ml sut
40 gramm jelatin
Vanilin tayoqchasi yoki 2 choy qoshiq vanilin shakari
Shuningdek :
500 gramm yangi yoki muzlatilgan qulupnoy
Tayyorlash usullari :
1. Birinchi navbatda qulupnoyli jeleni tayyorlang. Jelatinni 200 ml qaynatib, sovutilgan suvda, qog'ozida ko'rsatilgan vaqt bo'yicha uyuting.
2. Jelatinni qaynash darajasiga olib boring. Biroq qaynatib yubormang.
3. Qulupnoy siropi va jelatinni birlashtiring.
4. Diametri 26 sm bo'lgan pishirish qolipiga tayyorlangan jeleni quying. Muzlatgichga butunlay sovugunga qadar qo'ying.
5. Biskvitni tayyorlang. Tuxum va shakarni ko'pirtiring.
6. Kakao kukunini qo'shing va aralashtiring.
7. Un va qabartmani solib, quyuq xamir qoring.
8. Tayyorlangan xamirni pishirish qolipiga soling, tekislang. 180 darajada qizdirilgan gaz pechida 15-20 daqiqa davomida pishiring.
9. Qulupnoy mevasini blender yordamida maydalang.
10. Tayyor korjni ikki qismga bo'ling. Korjning bir qismini pishirish qolipi ichida qoldiring.
11. Qoldirilgan ikkinchi korj qismini maydalangan qulupnoy bilan shimdiring.
12. Pishirish qolipi ichidagi korjni ham qulupnoy pyuresi bilan shimdiring.
13. Pishirish qolipidagi korj ustiga ikkinchi korjni yoping.
14. Sutli jeleni tayyorlang. Jelatinni 200 ml qaynatib, sovutilgan suvda, qog'ozida ko'rsatilgan vaqt bo'yicha uyuting.
15. Jelatinni qaynash darajasiga olib boring. Biroq, qaynatib yubormang.
16. Vanilin ichki qismini ajratib oling va sutga qo'shing.
17. Jelatinni soling va aralashtiring.
18. Sovutilgan qulupnoyli jelatinni mayda to'rtburchak shaklda kesing.
19. Maydalangan qulupnoyli jeleni korj ustiga soling.
20. Sutli jelening bir qismini yupqa qator bilan qulupnoyli jele ustidan quying. 20-30 daqiqa davomida muzlatgichga qo'ying. Bu hol qulupnoyli jele jipslashishi uchun.
21. Belgilangan vaqt o'tib, qolgan sutli jele qismini quying va 5-6 soat davomida muzlatgichda butunlay sovuting.
22. Belgilangan vaqt o'tib mazali desertni yaqinlaringiz e'tiboriga taqdim eting.
Yoqimli ishtaxa !