Ajoyib deser ! Nozik va mazali ta'mga ega. Tayyorlanishi oddiy, natijasi esa sizni lol qoldirishi turgan gap. Bayram dasturxoni uchun ajoyib tanlov. Yaqinlaringizni lol qoldirish vaqti keldi. Taomnomangiz uchun yangilik. Buni albatta tayyorlang !
Kerakli masalliqlar :
3 dona tuxum
150 gramm shakar
2 choy qoshiq vanilin shakari
200 gramm smetana
150 gramm quyultirilgan sut
3 osh qoshiq kakao kukuni
200-250 gramm un
2 choy qoshiq qabartma
Krem uchun :
250 gramm maskarpone (almette, filadelfiya)
500 ml qaymoq
150 gramm shakar
Abrikos kompoti mevalari bilan birga
Shuningdek :
Qulupnoy
Jele tort uchun
Bodom slaysi
Tayyorlash usullari :
1. Xamirni tayyorlang. Tuxum va shakar, vanilin shakarini aralashtiring.
2. Smetanani soling va aralashtiring.
3. Quyultirilgan sutni qo'shing.
4. Ka
kao kukunini soling va aralashtiring.
5. Un va qabartmani soling, quyuq xamir qoring.
6. Yog' surtilgan pishirish qolipiga xamirning teng yarmini soling. 180 darajada qizdirilgan gaz pechida 20-25 daqiqa davomida pishiring. Qolgan xamir qismi bilan ham shu holni takrorlang.
7. Bu vaqt mobaynida kremni tayyorlang. Kompotdagi abrikos mevasini mayda shaklda to'rg'ang.
8. Qaymoq va shakarni qaymoq quyuqlashgunga qadar ko'pirtiring.
9. Maskarpondan 2-3 osh qoshiq bezak uchun olib qo'ying. Qolgan qismini qaymoqli kremga qo'shib, aralashtiring.
10. Maydalangan abrikos mevasi va kremni birlashtiring.
11. Pishirilgan har bir korjni ikki qismga bo'lib chiqing. Natijada 4 dona korj hosil bo'ladi. Dsert yig'iladigan idishga korjning birinchisini qo'ying va kompot bilan shimdiring.
12. Kremning bir qismini surting.
13. Korjning ikkinchisini yoping, krem surting. Shu holni qolgan krem va korjlar bilan takrorlang. Yig'ilgan desert devorlarini krem bilan surting, bodom slaysini yopishtirgandek sepib chiqing. Kesilgan qulupnoy mevasini tering, jeleni tayyorlab, qulupnoy mevasi ustidan quying. Qoldirilgan maskarponedan maxsus konditer qopchasi yordamida gullar chiqaring.
14. Tayyorlangan desertni 6-8 soatga muzlatgichga qo'ying. Belgilangan vaqt o'tib, mazali va nozik desertni yaqinlaringiz e'tiboriga torting.
Yoqimli ishtaxa !