Yumshoq va nozik biskvit, hushbo'y apelsin suflesi bu ajoyib va lazzatbaxsh desert. Tayyorlanishi oddiy, natijasi esa sizni lol qoldirishi turgan gap. Dasturxon davrasida barcha uchun manzur bo'ladi. Buni albatta sinab ko'ring.
Kerakli masalliqlar :
Biskvit uchun :
3 dona tuxum
150 gramm shakar
150-200 gramm un
Sufle uchun :
20 gramm jelatin
200-250 ml apelsin sharbati (4-5 dona apelsin)
500 ml qaymoq
150 gramm shakar
Tayyorlash usullari :
1. Birinchi navbatda biskvitni tayyorlang. Tuxum va shakarni ko'pirtiring.
2. Unni soling va extiyotkorlik bilan aralashtiring.
3. Pishirish qolipiga yog' surting yoki pergament qog'ozi yozing. Xamirni soling, tekislang. 180 darajada qizdirilgan gaz pechida 30-35 daqiqa davomida pishiring.
4. Bu vaqt mobaynida sufleni tayyorlang. Jelatinni 150 ml qaynatib, sovutilgan suvda, qog'ozida ko'rsatilgan vaqt bo'yicha uyuting.
5. Jelatinni qaynash darajasiga olib boring. Biroq, qaynatib yubormang. So'ng, sovuting.
6. Qaymoqni shakar bilan ko'pirtiring.
7. Apelsin sharbatini birlashtiring va aralashtiring.
8. Jelatinni soling va aralashtiring.
9. Pishirish qolipidagi biskvit ustiga tayyorlangan sufleni quying, tekislang. 7-8 soatga muzlatgichga qo'ying.
10. Belgilangan vaqt o'tib, tayyor desertni to'rtburchak shaklda kesing va hohishingizga ko'ra bezating. Nozik va mazali desertni yaqinlaringiz e'tiboriga taqdim eting.
Yoqimli ishtaxa !
