Mo'jizaviy desert ! Limon va klukva o'rmon mevasi va qolgan masalliqlar bir-biri bilan kirishib, ajoyib, hushbo'y va mo'jizaviy ta'mni yuzaga keltirib chiqaradi. Tayyorlanishi oddiy, taomnoma uchun yangilik. Buni albatta tayyorlang !
Kerakli masalliqlar :
Xamir uchun :
180 gramm saryog'
150 gramm shakar
4 dona tuxum
300 gramm smetana
10 gramm qabartma
600-650 gramm un
Asosiga :
1 dona limon
400 gramm klukva mevasi
200 gramm shakar
Krem uchun :
400 ml qaymoq
150 gramm shakar
Shimdirish uchun :
75 ml suv
100 gramm shakar
0.5 limon sharbati
Tayyorlash usullari :
1. Saryog'ni shakar bilan aralashtiring.
2. Tuxumni qo'shing va aralashtiring.
3. Smetanani soling va aralashtiring.
4. Un va qabartmani soling va juda ham quyuq xamir qoring.
5. Yog' surtilgan pishirish qolipiga xamirning 1/3 qismini soling, tekislang. 180 darajada qizdirilgan gaz pechida 15-20 daqiqa davomida pishiring. Shu tarzda 3 ta korj pishiring.
6. Limon mevasini qaynatilgan suvga 30 daqiqa davomida solib qo'ying.
7. Limonni o'rta bo'laklarga bo'ling va blender yordamida maydalang.
8. Tozalangan klukva mevasiga shakarni soling va aralashtiring.
9. Limon pyuresini birlashtiring va aralashtiring.
10. Shimdirish uchun sharbatni tayyorlang. 0.5 limon sharbatini chiqaring.
11. Suv va shakarni birlashtiring va shakar erigunga qadar qaynating.
12. Limon sharbatini quying.
13. Qaynash darajasiga olib boring. Olovdan oling.
14. Qaymoq bilan shakarni birlashtiring va ko'pirtiring.
15. Desert yig'iladigan idishga korjning birini qo'ying va tayyorlangan sharbat bilan shimdiring.
16. Klukvali massaning bir qismini korj ustiga soling.
17. Ustidan krem bilan surting.
18. Qolgan masalliqlar bilan ham shu holni takrorlang. Tort usti va devorlarini krem bilan surting. Yig'ilgan tortni 8-10 soatga muzlatgichga qo'ying.
19. Belgilangan vaqt o'tib tort ustini limon bo'laklari va klukva mevalari bilan bezating. Nozik va mazali tortni yaqinlaringiz e'tiboriga taqdim eting.
Yoqimli ishtaxa !
