Juda ham mazali deser ! Yumshoq, nozik va ajoyib ta'mga ega. Yaqinlaringizni lol qoldirish vaqti keldi. Kundalik taomnomangiz uchun ajoyib yangilik. Tayyorlanishi hech qanday qiyinchilik tug'dirmaydi. Buni albatta tayyorlang !
Kerakli masalliqlar :
100 gramm asal
1 choy qoshiq ichimlik sodasi
50-100 gramm shakar
30 gramm saryog'
1 dona tuxum
250-300 gramm un
Krem uchun :
300 gramm smetana
50-100 gramm shakar
100 gramm yong'oq
Tayyorlash usullari :
1. Asalni o'rta hajmdagi kastryulkaga soling.
2. Eriting.
3. Ichimlik sodasini soling.
4. Aralashtiring.
5. Shakarni soling. Aralashtiring.
6. Jigarrang tusga kirgunga qadar pishiring.
7. Tayyorlangan massani olovdan oling va boshqa idishga soling.
8. Saryog'ni soling.
9. Aralashtiring va sovuting.
10. Tuxumni soling va aralashtiring.
11. Unni soling va xamir qoring.
12. Tayyorlangan xamirni 5 qismga bo'ling. Har bir xamir qismini yoyib chiqing. 180 darajada qizdirilgan gaz pechida 5-10 daqiqa davomida pishiring.
13. Tayyor korjlardan 20x12 sm hajmda shakl kesing. Korj qoldiqlarini olib qo'ying.
14. Korjning birini desert yig'iladigan idishga qo'ying.
15. Kremni tayyorlang. Yong'oqni tozalang va blender yordamida maydalang.
16. Smetanani shakar bilan aralashtiring.
17. Maydalangan yong'oqni soling va aralshtiring.
18. Kremning bir qismini korj ustiga soling.
19. Ustidan ikkinchi korjni qo'ying.
20. Kremning bir qismini soling va shu holni korj tugagunga qadar takrorlang. Kremning bir qismini olib qo'ying. So'ng, yig'ilgan desertni 3-4 soatga muzlatgichga qo'ying.
21. Belgilangan vaqt o'tib desertni 4 yoki 6 qismga bo'ling. Extiyotkorlik bilan atroflariga qoldirilgan kremdan surting.
22. Xamir qoldiqlarini blender yordamida maydalang.
23. Kesilgan desert qismlari usti va atroflarini maydalangan korj ushog'i bilan sepib chiqing.
24. Qolgan desert qismlari bilan ham shu holni takrorlang. Desert ustini hohishingizga ko'ra yong'oq donasi bilan bezating. Mazali va nozik desertni yaqinlaringiz e'tiboriga taqdim eting.
Yoqimli ishtaxa !