Juda ham mazali desert ! Shokoladning yorqin ta'mini yoritib beruvchi, tayyorlanishi oddiy bo'lgan desert. Taomnomangiz uchun ajoyib yangilik. Dasturxon davrasida yaqinlaringizni lol qoldirish vaqti keldi. Buni albatta tayyorlang !
Kerakli masalliqlar :
150 gramm shokolad
150 gramm saryog'
100-150 gramm shakar
2 dona tuxum
250-300 gramm un
2 choy qoshiq qabartma
2 choy qoshiq vanilin shakari
Shakar kukuni bezash uchun
Tayyorlash usullari :
1. Shokoladni bo'laklarga bo'ling va suv xammomida eriting.
2. Saryog'ni shakar va vanilin shakari bilan aralashtiring.
3. Tuxumni soling va aralashtiring.
4. Eritilgan shokoladni soling va aralashtiring.
5. Un va qabartmani qo'shing va quyuq xamir qoring.
6. 20x30 hajmdagi pishirish qolipini yog' bilan surting yoki pergament qog'ozi yozing. Tayyrolangan xamirni quying. Tekislang. 180 darajada qizdirilgan gaz pechida 20-25 daqiqa davomida pishiring.
7. Tayyorlangan shirinlikni to'rtburchak shaklda kesib chiqing. Shirinlik ustini hohishingizga ko'ra shakar kukuni bilan bezating. Yaqinlaringiz e'tiboriga taqdim eting.
Yoqimli ishtaxa !