Mazali chizkeyk ! Hushbo'y, nozik va ajoyib ta'mga ega bo'lgan desert. Tayyorlanishi oddiy, natijasi dasturxon davrasida barchani lol qoldirishi turgan gap. Taomnomangiz uchun ajoyib yangilik. Buni albatta tayyorlang.
Kerakli masalliqlar :
400 gramm oson ushoqlanadigan pechenya
180 gramm saryog'
Asosiga :
600 gramm tvorogli pishloq filadelfiya
200 ml qaymoq
3 dona tuxum
150 gramm shakar
1 dona vanilin tayoqchasi yoki 2 choy qoshiq vanilin shakari
200 gramm shokolad
Tayyorlash usullari :
1. Saryog'ni eriting.
2. Pechenyani blender yordamida maydalang.
3. Eritilgan saryog' va pechenyani birlashtiring, aralashtiring. Natijada ushoqli massa hosil bo'lishi lozim.
4. Diametri 24-26 sm bo'lgan pishirish qolipiga tayyorlangan saryog'li massani zich holda devorlari bo'ylab solib chiqing. Asos tayyor bo'lgunga qadar muzlatgichga qo'ying.
5. Tvorogli pishloqni shakar bilan mikserning o'rta tezligida aralashtiring.
6. Qaymoqni soling va aralashtiring.
7. Tuxumni soling va aralashtiring.
8. Vanilin tayoqchasini ikki qismga bo'ling va ichki qismini ajratib oling. Vanilin tayoqchasi ichki qismini tayyorlangan asosga soling va aralashtiring.
9. Tayyorlangan asosni pishirish qolipidagi korj ustiga quying.
10. Shokoladni suv xammomida eriting.
11. Quyilgan asos ustiga shokoladni quying.
12. Yog'och tayoqcha yordamida shokoladdan naqshlar hosil qiling.
13. Pishirish qolipini devorlari bo'ylab folga qog'ozida o'rab chiqing. Suv kirmasligi uchun.
14. Chizkeyk tayyorlangan pishirish qolipini chuqur yoki kattaroq qolipga qo'ying. Katta qolipga chizkeyk tayyorlangan qolip yarmigacha yetadigan miqdorda issiq suv quying. 180 darajada qizdirilgan gaz pechiga joylang va 1 soat davomida pishiring.
15. tayyor chizkeykni sovuting, so'ng, 3-4 soatga muzlatgichga qo'ying. Belgilangan vaqt o'tib desertni yaqinlaringiz e'tiboriga taqdim eting.
Yoqimli ishtaxa !
