Romantik kecha uchun ajoyib tanlov. Nozik, hushbo'y va ajoyib ta'mga ega bo'lgan desert juftingizga hushkayfiyat va lazzatlanish baxtini ulashishi turgan gap. Tayyorlanishi hech qanday qiyinchilik tug'dirmaydi. Biroq natijasi esa sizni lol qoldirishi turgan gap. Buni albatta tayyorlang.
Kerakli masalliqlar :
Xamir uchun :
100 gramm shakar
100 gramm saryog'
2 dona tuxum
1 dona apelsin
1 dona laym yoki 0,5 limon
1 choy qoshiq qabartma
100-150 gramm un
Krem uchun :
200 ml qaymoq
150 gramm tvorogli pishloq (filadelfiya yoki almette)
50 gramm shakar
Shuningdek :
Bezatish uchun mevalar hohishingizga ko'ra (malina, qulupnoy)
Tayyorlash usullari :
1. Birinchi navbatda xamirni tayyorlang. Apelsin va laym mevalari terisini ajrating, qirg'ichning katta tomonidan chiqaring.
2. Apelsin va laym mevasidan umumiy 100 ml sharbat chiqaring.
3. Saryog'ni shakar bilan aralashtiring.
4. Tuxumni birlashtiring va aralashtiring.
5. Mevalar sharbati va po'stini qo'shing.
6. Un va qabartmani soling va quyuq xamir qoring.
7. Tayyorlangan xamirni 0.5-1 sm qalinlikda, yurak shaklidagi pishirish qolipiga soling. 180 darajada qizdirilgan gaz pechida 15-20 daqiqa davomida pishiring.
8. Bu vaqt mobaynida kremni tayyorlang. Qaymoqni shakar bilan ko'pirtiring.
9. Tvorogli pishloqni soling va aralashtiring.
10. Tayyorlangan korj ustiga 0.5 sm qalinlikda krem surting.
11. Krem ustidan tanlangan mevalarni terib, bezatib chiqing.
12. Tayyor, go'zal va mazali desertni juftingizga taqdim eting.
Yoqimli ishtaxa !