Mazali biskvit, nozik sufle bir-biri bilan kirishib, mo'jizaviy ta'mni yuzaga keltirib chiqaradi. tayyorlanishi oddiy. Kundalik menyu uchun yangilik. Dasturxon davrasida hech kimning e'tiboridan chetda qolmasligi turgan gap. Buni albatta tayyorlang !
Kerakli masalliqlar :
Biskvit uchun :
4 dona tuxum
150 gramm shakar
150-200 gramm un
Sufle uchun :
300 gramm malina
20 gramm jelatin
350 ml qaymoq
200 gramm shakar
Shokoladli sufle uchun :
100 gramm shokolad
10 gramm jelatin
150 ml qaymoq
100 gramm shakar
Tayyorlash usullari :
1. Birinchi navbatda biskvitni tayyorlang. Tuxumni shakar bilan ko'pirtiring.
2. Unni soling va extiyotkorlik bilan aralashtiring.
3. Yog' surtilgan pishirish qolipiga tayyorlangan xamirni quying, tekislang. 180 darajada qizdirilgan gaz pechida 30-35 daqiqa davomida pishiring. Biskvit tayyor bo'lganligini tish pichog'i bilan tekshiring.
4. Bu vaqt mobaynida malinali sufleni tayyorlang. Jelatinni 150 ml qaynatib, sovutilgan suvda, qog'ozida ko'rsatilgan vaqt bo'yicha uyuting.
5. Jelatinni qaynash darajasiga olib boring. Biroq, qaynatib yubormang.
6. Malina mevasini sanchqi yoki blender yordamida maydalang.
7. Qaymoqni shakar bilan birlashtiring va ko'pirtiring.
8. Malina mevasini soling va aralashtiring.
9. Tayyorlangan jelatinni soling va aralashtiring. Tayyorlangan massani 2 daqiqa mobaynida muzlatgichga qo'ying.
10. Biskvitni ikki qismga bo'ling. Bir qismini pishirish qolipi ichida qoldiring.
11. Biskvit korji ustidan tayyorlangan sufleni quying va tekislang.
12. Ikkinchi biskvit korjini yoping. 3-4 soatga muzlatgichga qo'ying.
13. Bu vaqt mobaynida shokoladli sufleni tayyorlang. Jelatinni 100 ml qaynatib, sovutilgan suvda, qog'ozida ko'rsatilgan vaqt bo'yicha uyuting.
14. Jelatinni qaynash darajasiga olib boring. Biroq, qaynatib yubormang.
15. Shokoladni suv xammomida eriting.
16. Qaymoqni shakar bilan ko'pirtiring.
17. Shokoladni soling va aralashtiring.
18. Jelatinni soling va aralashtiring.
19. Desertni tayyorlangan shokoladli sufle bilan qoplang va 2-3 soatga muzlatgichga joylang.
20. Belgilangan vaqt o'tib, desert ustini malina mevasi va yalpiz barglari bilan bezating. Yaqinlaringizga taqdim eting.
Yoqimli ishtaxa !