Nozik, to'yimli va qolaversa juda ham mazali pirog! Tayyorlanishi oddiy, natijasi esa dasturxon davrasida barchani lol qoldiradi. Taomnomadan o'z o'rnini egallaydi. Ushbu retseptni albatta tayyorlang!
Kerakli masalliqlar:
Xamir uchun:
1 dona tuxum
50 gramm saryog'
200-250 gramm un
1 choy qoshiq qabartma va tuz
Asosiga:
300 gramm brokolli
250 gramm rikotto yoki tvorog
2 dona tuxum
250 gramm pishloq
Tuz va murch
Tayyorlash usuli:
1. Birinchi navbatda xamirni tayyorlang. Tuxum va yumshatilgan saryog'ni birlashtiring.
2. Tuz, qabartma va unni solib, xamir qoring.
3. Xamirni yog' surtilgan pishirish qolipiga, devorlari bo'ylab yoying.
4. Xamir ustidan pergament qog'ozi yozing.
5. Pergament qog'ozi ustidan loviya soling. 180 darajada qizdirilgan gaz pechida 15-20 daqiqa davomida pishiring.
6. Asosni tayyorlang. Brokolli karamini mayda bo'laklarga bo'ling.
7. Pishloqni qirg'ichning katta tomonidan chiqaring.
8. Tuxumni tuz va murch solib, ko'pirtiring.
9. Rikottani soling va aralashtiring.
10. Brokolli va pishloqni solib aralashtiring.
11. Tayyorlangan asosni pishirilgan xamir ustidan soling, tekislang. 180 darajada qizdirilgan gaz pechida 25-30 daqiqa davomida pishiring.
12. Mazali va nozik pirogni dasturxonga torting.
Yoqimli ishtaxa!
Xamirni pishirishda foydalanilgan loviyani saqlab qo'ying, shu usul bilan korj pishiriladigan retseptlarda foydalanasiz.
