Ajoyib va mo'jizaviy desert ! Tug'ilgan kun, do'stlar davrasi va bayram dasturxonlari uchun ajoyib tanlov. Balki kechki ovqatdan so'ng, desert o'rnini egallovchi mazali desert. Tayyorlanishi oddiy, natijasi esa mo'jizaviy lazzatlanishni taqdim etadi. Buni albatta tayyorlang !
Kerakli masalliqlar :
Xamir uchun :
250 gramm smetana
150 gramm saryog'
150 gramm shakar
2 choy qoshiq qabartma
400-450 gramm un (balki ko'proq ketishi mumkin)
Asosiga :
300-400 gramm gilos
Krem uchun :
500 gramm smetana
150 gramm shakar
Shuningdek :
100 gramm shokolad (bezash uchun)
Tayyorlash usullari :
1. Birinchi navbatda xamirni tayyorlang. Shakarni saryog' bilan aralashtiring.
2. Smetanani soling va bir xil massa hosil bo'lgunga qadar aralashtiring.
3. Un va qabartmani qo'shing va o'rtq qattiqlikda xamir qoring.
4. Xamirni teng 10 qismga bo'ling va zuvala qilib chiqing.
5. Har bir xamirni 25x7 sm shaklda yoyib chiqing.
6. Xamir o'rtasiga gilos terib chiqing.
7. Xamir chetlarini zich holda birlashtiring. Qolgan xamirlar bilan ham shu holni takrorlang.
8. Pergament qog'ozi yozilgan pishirish qolipiga tayyorlangan gilosli tayoqchalarni chokini pastga qilgan holda terib chiqing.
9. 180 darajada qizdirilgan gaz pechida 20-25 daqiqa davomida pishiring.
10. Kremni tayyorlang. Smetana va shakarni aralashtiring.
11. Desert tayyorlanadigan idishga desertni yig'ishni boshlang. Tayyorlangan gilosli tayoqchalarni 4 donasini idishga tering.
12. Krem surting.
13. 3 dona gilosli tayoqchadan tering, krem surting.
14. 2 dona gilosli tayoqchadan tering, krem surting.
15. Qolgan 1 dona gilosli tayoqchani qo'ying, qolgan krem qismi bilan surting. 4-6 soatga muzlatgichga qo'ying.
16. Belgilangan vaqt o'tib, tayyor desertni qirg'ichdan o'tkazilgan shokolad bilan sepib chiqing. Yaqinlaringizga taqdim eting.
Yoqimli ishtaxa !