Mo'jizaviy desert ! Nozik va ajoyib ta'mga ega bo'lgan desert tayyorlanishi oddiy, natijasi esa mo'jizaviy lazzatlanish baxtini taqdim etadi. Dasturxondan o'zining yorqin o'rnini egallashi turgan gap. Yaqinlaringizni lol qoldirish vaqti keldi. Ushbu desertni albatta tayyorlang !
Kerakli masalliqlar :
5 dona tuxum
200 gramm shakar
200 gramm smetana
20 gramm kakao kukuni
2 choy qoshiq qabartma
200-250 gramm un
Krem uchun :
700 gramm smetana
150 gramm shakar
300 gramm gilos
100 gramm bodom
Tayyorlash usullari :
1. Birinchi navbatda xamirni tayyorlang. Tuxumni shakar bilan ko'pirtiring.
2. Smetanani qo'shing va aralashtiring.
3. Un va qabartmani qo'shing va extiyotkorlik bilan aralashtiring.
4. Tayyorlangan xamirni ikki qismga bo'ling. Bir qismiga kakao kukunini qo'shing.
5. 24 sm hajmdagi pishirish qolipiga kakaoli xamirni soling. 180 darajada qizdirilgan gaz pechida 15-20 daqiqa davomida pishiring.
6. Shuningdek, oq xamirni ham shu usul bilan pishiring.
7. Tayyorlangan oq rangdagi korjni ikki qismga bo'ling, pastki qismini qoldiring.
8. Korjning ustki qismini mayda to'rtburchak shaklda kesing.
9. Kakaoli korjni mayda to'rtburchak shaklda to'rg'ang.
10. Kremni tayyorlashga kirishing. Gilos mevasini ikki qismga bo'lib chiqing.
11. Bodomni tozalang va blenderda maydalang.
12. Smetana va shakarni aralashtiring.
13. Smetanali kremga maydalangan yong'oqni soling, aralashtiring.
14. Gilosni soling va aralashtiring.
15. Qoldirilgan oq korj ustiga kremning bir qismini soling.
16. Kesilgan korj qismlarini krem bilan aralashtiring. Krem solingan korj ustidan tayyorlangan krem-korjli aralashmani tog'cha shaklida soling. 7-8 soatga muzlatgichga qo'ying.
17. Belgilangan vaqt o'tib, tayyor desertni eritilgan yoki qirg'ichdan chiqarilgan shokolad bilan seping. Dasturxonga torting.
Yoqimli ishtaxa !