Go'zal, nozik va ajoyib ta'mga ega desert ! Tayyorlanishi oddiy, natijasi esa mo'jizaviy lazzatlanishni taqdim etadi. Dasturxondan o'zining yorqin o'rnini egallab, dasturxon davrasida barcha uchun manzur bo'lishi turgan gap. Buni albatta tayyorlang !
Kerakli masalliqlar :
150 gramm shakar
150 gramm saryog'
4 dona tuxum
300 gramm smetana
250-300 gramm un
2 choy qoshiq qabartma
30 gramm kakao kukuni
Krem uchun :
300-400 gramm smetana
150 gramm shakar
2 choy qoshiq vanilin kukuni
Glazur uchun :
100 gramm saryog'
50 ml sut
100 gramm shakar
50 gramm kakao kukuni
Tayyorlash usullari :
1. Birinchi navbatda desertning asosiy qismini tayyorlang. Saryog'ni shakar bilan aralashtiring.
2. Tuxumni soling va aralashtiring.
3. Smetanani soling va aralashtiring.
4. Un va qabartmani soling va o'rta quyuqlikda xamir qoring.
5. Tayyorlangan xamirni ikki qismga bo'ling. Xamirning bir qismiga kakao kukunini qo'shing va aralashtiring.
6. Pishirish qolipiga o'simlik yog'idan surting. Pishirish qolipining o'rtasiga 2 osh qoshiq oq xamirdan soling.
7. Ustidan kakaoli xamirdan soling. Atrofidan esa oq xamirdan soling.
8. Shu holni xamirning barcha qismi tugagunga qadar takrorlang. So'ng, 180 darajada qizdirilgan gaz pechida 20-25 daqiqa davomida pishiring. Shu tarzda 2 ta biskvit korji tayyorlang.
9. Kremni tayyorlang. Smetana va shakar, vanilin kukunini aralashtiring.
10. Tayyorlangan biskvit korjining birinchisini desert tayyorlanadigan idishga qo'ying. Ustidan tayyorlangan kremni surting.
11. Ikkinchi biskvit korjini yoping.
12. Glazurni tayyorlang. Saryog'ni eriting.
13. Sutni qo'shing.
14. Shakarni soling va aralashtiring.
15. Kakao kukunini soling va doim aralashtirilgan holda quyuqlashgunga qadar qaynating.
16. Tayyor tortni glazur bilan qoplang. 4-6 soatga muzlatgichga qo'ying.
17.Belgilangan vaqt o'tib tayyor desertni bezating. Buning uchun : pergament qog'ozidan har xil shakllar qirqing, tort ustiga orasidan masofa qoldirgan holda terib chiqing.
18. Qoldirilgan masofa qismlariga shakar kukunidan seping. Asta-sekinlik bilan qog'ozlarni oling. Shuningdek, tort ustini maydalangan yong'oq bilan sepishingiz ham mumkin.
19. Tayyorlangan nozik desertni yaqinlaringiz e'tiboriga taqdim eting.
Yoqimli ishtaxa !