E'tiboringizga Fransiyada tug'ilgan, nozik va mazali desert retseptini taqdim etamiz. Desert tez va oson tayyorlanadi. Kundalik menyuga yangilik kiritishning ajoyib usuli. Dasturxon davrasida barcha uchun manzur bo'lishi va lazzatlanish baxtini taqdim etishi turgan gap. Buni albatta tayyorlang !
Kerakli masalliqlar :
3 dona tuxum
100 gramm shakar
80-100 gramm un
Krem uchun :
150 ml qaymoq
50 gramm shakar
Tayyorlash usullari :
1. Tuxum oqdan sariqlarini ajrating. Tuxum oqiga 50 gramm shakarni qo'shib, ko'pirtiring.
2. Tuxum sariqlarini 50 gramm shakar qo'shib, ko'pirtiring.
3. Ko'pirtirilgan tuxum oqi va sarig'ini birlashtiring va aralashtiring.
4. Unni qo'shing va extiyotkorlik bilan aralashtiring.
5. Pishirish qolipiga yog' surting va pergament qog'ozi yozing. Tayyorlangan xamirdan 4 sm hajmda yumaloq shakllar solib chiqing. 180 darajada qizdirilgan gaz pechida 10-15 daqiqa davomida pishiring. So'ng, sovuting.
6. Kremni tayyorlang. Qaymoqni shakar bilan ko'pirtiring.
7. Pishirilgan biskvit nonchalari ustiga krem surting.
8. Krem surtilgan biskvit noni ustiga ikkinchi biskvit nonchasini yoping. Qolgan biskvit va krem qismi bilan shu holni takrorlang. Tayyorlangan desertlarni 8-10 soatga muzlatgichga qo'ying.
9. Belgilangan vaqt o'tib, desert ustini eritilgan shokolad bilan bezating. Yaqinlaringizga taqdim eting.
Yoqimli ishtaxa !