Tayyorlangan desertni birinchi navbatda qaxvani sevuvchilar baxolashadi. Nozik biskvitni qaxvali sufle to'ldiradi. Tayyorlanishi oddiy, natijasi esa butun bir lazzatlanishni taqdim etadi. Kundalik menyuga yangilik kiritishning ajoyib usuli. Buni albatta tayyorlang !
Kerakli masalliqlar :
Xamir uchun :
3 dona tuxum
150 gramm shakar
3 choy qoshiq qaxva
100-150 gramm un
Sufle uchun :
500 ml qaymoq
5 choy qoshiq qaxva
150 gramm shakar
20 gramm jelatin
Tayyorlash usullari :
1. Birinchi navbatda biskvitni tayyorlang. Qaxvani 2-3 osh qoshiq qaynagan suvda damlang, sovuting.
2. Tuxumni shakar bilan ko'pirtiring.
3. Qaxvani qo'shing va aralashtiring.
4. Unni qo'shib, extiyotkorlik bilan aralashtiring.
5. Pishirish qolipini ozgina o'simlik yog'i bilan surting. Xamirni quying, tekislang. 180 darajada qizdirilgan gaz pechida 10-15 daqiqa davomida pishiring. So'ng, sovuting.
6. Sufleni tayyorlang. Jelatinni 100 ml qaynatib, sovutilgan suvda uyuting. Jelatin qog'ozida ko'rsatilgan vaqt bo'yicha.
7. Jelatinni qaynash darajasiga olib boring. Biroq, qaynatib yubormang.
8. Qaxvani 200 ml qaynagan suvda damlang. Sovuting.
9. Qaymoqni shakar bilan ko'pirtiring.
10. Qaxvani birlashtiring va aralashtiring.
11. Jelatinni qo'shing va aralashtiring.
12. Sovutilgan biskvit noni ustidan tayyorlangan sufleni quying. 6-8 soatga muzlatgichga qo'ying.
13. Belgilangan vaqt o'tib tayyor desertni bo'laklarga bo'ling. Yalpiz bargi bilan bezating. Yaqinlaringizga taqdim eting.
Yoqimli ishtaxa !