Ajoyib desert ! Nozik va hushbo'y desert. Tayyorlanishi oddiy, kerakli masalliqlarning barchasi mavjud. Kundalik menyu uchun chinakam yangilik. Oddiy masalliqlardan tayyorlangan desert dasturxon davrasida barcha uchun manzur bo'lishi turgan gap. Buni albatta tayyorlang !
Kerakli masalliqlar :
150 gramm saryog'
150 gramm shakar
3 dona tuxum
3-4 dona sabzi
100 gramm yong'oq
2 choy qoshiq qabartma
200-250 gramm un
Krem uchun :
400 gramm tvorogli pishloq (hohland, almette)
100 ml qaymoq
50-70 gramm shakar
Tayyorlash usullari :
1. Birinchi navbatda xamirni tayyorlang. Yong'oqni tozalang va blender yordamida maydalang.
2. Qirg'ichdan o'tkazilgan saryog' va shakarni birlashtiring.
3. Tuxumni soling va bir xil konsistensiya hosil bo'lguncha aralashtiring.
4. Tuxumli massa, maydalangan yong'oq va qirg'ichning kichik tomonidan chiqarilgan sabzini birlashtiring va aralashtiring.
5. Qabartma va unni solib, bir xil konsistensiya hosil bo'lguncha xamir qoring.
6. Pishirish qolipini yog' bilan surting va tayyorlangan xamirni quying, tekislang. 180 darajada qizdirilgan gaz pechida 40-45 daqiqa davomida pishiring.
7. Tayyor pirogni sovuting.
8. Kremni tayyorlang. Qaymoqni shakar bilan ko'pirtiring.
9. Tvorogli pishloqni qo'shing va aralashtiring.
10. Tayyorlangan kremni sovutilgan pirog ustiga soling, tekislang va 2-3 soatga muzlatgichga qo'ying.
11. Belgilangan vaqt o'tib tayyor desertni hohishingizga ko'ra maydalangan yong'oq bilan bezating. Mazali desertni yaqinlaringizga taqdim eting.
Yoqimli ishtaxa !