Mazali mevalar nozik kremda. Tayyorlanishi oddiy, noan'anaviy ta'mga ega ushbu desert dasturxon davrasida mo'jizaviy lazzatlanish baxtini taqdim etishi turgan gap. Kundalik menyuga yangilik kiritishning ajoyib usuli. Buni albatta tayyorlang !
Kerakli masalliqlar :
300 gramm shaftoli mevasi
3 osh qoshiq shakar
2 dona tuxum
2 osh qoshiq limon sharbati
200 ml olma yoki uzum sharbati
1 choy qoshiq kraxmal
Tayyorlash usullari :
1. Birinchi navbatda kremni tayyorlang. Buning uchun : tuxum va shakarni ko'pirtiring.
2. Tuxum bilan kraxmal va limon sharbatini birlashtiring. Aralashtiring.
3. Uzum yoki olma sharbatini birlashtiring.
4. Tayyorlangan massani past olovga qo'ying. Quyuqlashgunga qadar isiting (taxminan 5 daqiqa).
5. Shaftolilarni yuving, yupqa, kichik shaklda kesib chiqing.
6. Pishirish qolipiga kesilgan shaftoli mevasini soling.
7. Tayyorlangan kremni meva ustidan quying va 180 darajada qizdirilgan gaz pechida 15-20 daqiqa davomida pishiring.
8. Belgilangan vaqt o'tib tayyor desertni sovuting. Yaqinlaringizga mazali desertni taqdim eting.
Yoqimli ishtaxa !