Shokoladni sevib iste'mol qiluvchilar uchun ajoyib desert ! Nozik va shokolad ta'mini yorqin yoritib beruvchi desert. Tayyorlanishi oddiy, natijasi esa mo'jizaviy lazzatlanish baxtini taqdim etadi. Dasturxon davrasida barcha uchun ma'qul bo'lishi turgan gap. Buni albatta tayyorlang !
Kerakli masalliqlar :
100 gramm achchiq shokolad
100 gramm sutli shokolad
500 ml qaymoq
150 gramm shakar
10 gramm jelatin
Tayyorlash usullari :
1. Jelatinni 150 ml qaynatib, sovutilgan suvda uyuting. Jelatin qog'ozida ko'rsatilgan vaqt bo'yicha.
2. Jelatinni qaynash darajasiga olib boring. Biroq qaynatib yubormang. So'ng, xona haroratida sovuting.
3. Sutli shokoladni suv xammomida eriting. Eritilgan shokoladni xona haroratida eriting.
4. Shuningdek, aloxida idishda achchiq shokoladni ham suv xammomida eriting va xona haroratida sovuting.
5. Qaymoqni shakar bilan ko'pirtiring.
6. Ko'pirtirilgan qaymoqni ikki qismga bo'ling. Qaymoqning bir qismiga sutli shokoladni birlashtiring va aralashtiring.
7. Jelatinni bir qismini qo'shing va bir xil konsistensiya hosil bo'lgunga qadar aralashtiring.
8. Qaymoqning ikkinchi qismiga achchiq shokoladni qo'shing, jelatinning qolgan qismini birlashtiring va bir xil konsistensiya hosil bo'lgunga qadar aralashtiring.
9. Desert idishlariga yarmiga oq massa, yarmiga esa ikkinchi massadan quying. 5-6 soatga muzlatgichga qo'ying.
10. Belgilangan vaqt o'tib tayyor desertni yalpiz bargi yoki maydalangan yong'oq bilan bezating. Yaqinlaringiz e'tiboriga taqdim eting.
Yoqimli ishtaxa !