Mo'jizaviy ta'mga ega desert. Tayyorlanishi oddiy, natijasi esa sizni lol qoldirishi turgan gap. Dasturxondan o'zining yorqin o'rnini egallaydi. Tayyorlangan desert yaqinlaringizga chinakam lazzatlanish baxtini ulashishi turgan gap. Buni albatta tayyorlang !
Kerakli masalliqlar :
150 gramm bodom
50-100 gramm shakar kukuni
1 osh qoshiq limon sharbati
1 dona tuxum oqi
Shokolad
Tayyorlash usullari :
1. Tozalangan bodomni 15 daqiqaga qaynatilgan suvda uyuting.
2. Belgilangan vaqt o'tib uyutilgan bodom po'stlarini tozalang.
3. Tozalangan bodomni blender yordamida maydalang.
4. Maydalangan bodomga limon sharbatini qo'shing.
5. Shakar kukunini birlashtiring va yaxshilab aralashtiring.
6. Oz-oz qismdan tuxum oqini qo'shgan holda aralashtiring. Yong'oq shaklida o'z shaklini ushlab turadigan massa hosil qilishingiz lozim.
7. Tayyorlangan bodomli massadan yong'oq shaklida sharchalar hosil qiling.
8. Tayyorlangan mazali konfetlarni suv xammomida eritilgan shokolad bilan bezating. 3-4 soat mobaynida xona haroratida saqlang. Belgilangan vaqt o'tib mazali konfetlarni yaqinlaringizga taqdim eting.
Yoqimli ishtaxa !