«Արսենալ»-ի հայազգի կիսապաշտպան Հենրիխ Մխիթարյանը կարող է հեռանալ լոնդոնյան ակումբից: Այս մասին տեղեկացնում է Mirror-ը:
Աղբյուրի փոխանցմամբ՝ «զինագործներ»-ը ցանկանում են ձեռք բերել «Ռոմա»-ի կիսապաշտպան Ջենգիզ Ունդերի տրանսֆերը: Դա դուր չի եկել 30-ամյա ֆուտբոլիստին, քանի որ թուրք ֆուտբոլիստը խաղում է իր սիրելի դիրքում:
Սպասվում է, որ առաջիկայում Մխիթարյանը կհանդիպի թիմի գլխավոր մարզիչ Ունայի Էմերիի հետ, որպեսզի քննարկի իր ապագան:
Հիշեցնենք, որ ընթացիկ մրցաշրջանում մեր ֆուտբոլիստն «Արսենալ»-ի կազմում մասնակցել է 23 հանդիպման՝ դառնալով 4 գոլի և 3 գոլային փոխանցման հեղինակ: