Vitaminlarga boy banan mevasi bilan tayyorlangan ajoyib desert ! Tayyorlanishi oddiy, natijasi esa sizni lol qoldirishi turgan gap. Buni albatta tayyorlang ! Yaqinlaringizga mo'jizaviy lazzatlanish baxtini taqdim eting.
Kerakli masalliqlar :
3 dona banan (500 gramm)
100 gramm shokolad
150 gramm yong'oq
Tayyorlash usullari :
1. Birinchi navbatda yong'oqlarni tozalang va blender yordamida maydalang.
2. Shokoladni suv xammomida eriting.
3. Yong'oqning bir qismini olib qo'ying. Qolgan yong'oq qismi va eritilgan shokoladni bir xil konsistensiya hosil bo'lgunga qadar aralashtiring.
4. Bananlarni tozalang va o'rtasidan ikki qismga bo'ling.
5. Kesilgan har bir banan qismini yana 3 qismga bo'ling.
6. Kesilgan banan bo'lakchalarining o'rta qismini kesib oling.
7. Kesib olingan bananlarning o'rta qismiga tayyorlangan shokoladli massadan soling.
8. Tayyorlangan bananlar ustidan maydalangan yong'oqni sepib chiqing.
9. Hohishingizga ko'ra yalpiz barglari bilan bezating. Nozik va mazali desertni darhol dasturxonga torting.
Yoqimli ishtaxa !
