Hushbo'y va mazali pirog! Vitaminlarga boy va to'yimli pirog. Tayyorlanishi hech qanday qiyinchilik tug'dirmaydi, natijasi dasturxon davrasida barchani lol qoldirishi turgan gap. Taomnoma uchun chinakam yangilik. Ushbu retseptni albatta tayyorlang!
Kerakli masalliqlar:
Xamir uchun:
50 gramm saryog'
1 dona tuxum
100 gramm smetana
1 osh qoshiq quritilgan ko'katlar jamlanmasi
1 choy qoshiq tuz
150-200 gramm un
Asos uchun:
300 gramm tovuq go'shti (filesi)
500 gramm qovoq
150 gramm piyoz
Tuz va murch
Shuningdek:
200 ml qaymoq
150 gramm pishloq
1 dona tuxum va tuz
Tayyorlash usuli:
1. Birinchi navbatda xamirni tayyorlang. Smetana va saryog'ni aralashtiring.
2. Tuxum soling va aralashtiring.
3. Quritilgan ko'katlar jamlanmasini soling.
4. Unni soling va xamir qoring. Tayyor xamirni asos tayyor bo'lgunga qadar muzlatgichga qo'ying.
5. Pirog asosini tayyorlang. Piyoz, tovuq go'shti filesi, qovoqni mayda shakllarda to'rg'ang.
6. Tovada qizdirilgan yog'da avval piyozni solib, qovuring.
7. Tovuq go'shtini soling, tuz, murch seping va 10 daqiqa davomida qovuring.
8. Qovoqni soling va 10 daqiqa davomida dimlang.
9. Pishloqni qirg'ichning kichik tomonidan chiqaring.
10. Qaymoqni quying va aralashtiring.
11. Tuxumni soling, tuz va murch seping. Aralashtiring.
12. Yog' surtilgan pishirish qolipiga xamirni devorlari bo'ylab yoying.
13. Xamir ustidan tayyorlangan asosni soling.
14. Pishloqli aralashmani soling va tekislang. 180 darajada qizdirilgan gaz pechida 40-45 daqiqa davomida pishiring.
15. Hushbo'y, ishtaxa ochar isi xonadoningizni egallagan pirogni dasturxonga torting.
Yoqimli ishtaxa!