Mo'jizaviy non! Tayyorlanishi oddiy, foydalanilgan masalliqlar bir-biri bilan kirishib, chinakam lazzatlanish baxtini ulashadi. Taomnoma uchun ajoyib yangilik. Ushbu retseptni albatta tayyorlang!
Kerakli masalliqlar:
300 ml sut
50 gramm saryog'
2 osh qoshiq shakar
10 gramm xamirturush
2 choy qoshiq tuz
400-450 gramm un
150 gramm pomidor qoqisi
150 gramm pishloq
Tuz va ziravorlar, ko'kat shoxchasi
Tayyorlash usuli:
1. Isitilgan sutga shakar va xamirturushni soling.
2. 100 gramm unni soling va aralashtiring.
3. Aralashma ustini sochiq bilan yopib, issiq joyga olib qo'ying. Taxminan 20 daqiqa vaqtga. Aralashma hajmi ko'tarilishi kerak.
4. Tanlangan ko'katni mayda to'rg'ang.
5. Pishloqni qirg'ichning katta tomonidan chiqaring.
6. Quritilgan pomidor bo'laklarini mayda shaklda kesing.
7. Ko'tarilgan xamirturushli massaga yumshatilgan saryog' va tuzni soling. Aralashtiring.
8. Ko'kat va maydalangan pomidorni soling va aralashtiring.
9. Pishloqni soling va aralashtiring.
10. Qolgan un qismini solib, xamir qoring. Xamir ustini sochiq bilan yopib, issiq joyga olib qo'ying.
11. Taxminan 30 daqiqa davomida xamir hajmi ko'tarilishi lozim.
12. Diametri 25x10 balandligi 7sm bo'lgan pishirish qolipiga yog' surting. Xamirni soling.
13. Pishirish qolipi ustini yopib, 10 daqiqaga chetga oling. So'ng, 180 darajada qizdirilgan gaz pechida 30-35 daqiqa davomida pishiring.
14. Hushbo'y isi xonadoningizni egallagan mazali nonni dasturxonga torting.
Yoqimli ishtaxa!