Bu juda ham mazali! Qarsildoq xamir, hushbo'y asos chinakam lazzatlanishni taqdim etadi. Vaqtingiz ziq bo'lib turgan vaqtda tamaddi qilib olish uchun ajoyib tanlov. Juda ham tez tayyorlanadi. Taomnoma uchun yangilik. Ushbu retseptni albatta sinab ko'ring!
Kerakli masalliqlar:
500 gramm tayyor qavatli xamir
450 gramm pomidor
250 gramm piyoz
Rayhon ko'kati
Tuz, murch va o'simlik yog'i
Tayyorlash usuli:
1. Tozalangan piyozni mayda, somoncha shaklida to'rg'ang.
2. Pomidorni mayda shaklda to'rg'ang.
3. Rayhon ko'katini maydalang.
4. Tovada qizdirilgan yog'da avval piyozni quvuring.
5. Pomidorni soling va 3-4 daqiqa davomida dimlang.
6. So'ng, tuz, murch va rayhon ko'katini soling. Aralashtiring va olovdan oling.
7. Pergament yozilgan pishirish qolipiga xamirdan 10x10 sm hajmda shakllar kesib, terib chiqing.
8. Xamir chetidan 1 sm qoldirgan holda, xamir shaklini yo'qotmay kesib chiqing.
9. Tayyorlangan asosni ortiqcha sharbatidan ajratib oling. Kesilgan xamir bo'laklariga asosdan soling. 180 darajada qizdirilgan gaz pechida 20-25 daqiqa davomida pishiring.
10. Mazali tartni darhol dasturxonga torting.
Yoqimli ishtaxa!